კომენტარი

კონკრეტული შემთხვევბიდან გამომდინარე არ შეიძლება ითქვას, რომ გაყალბების ფაქტები სისტემურ ხასიათს ატარებდნენ -მამუკა მდინარაძე

საპარლამენტო უმრავლესობის წევრი მამუკა მდინარაძე, „ნაციონალური მოძრაობის“ წევრის ხატია დეკანოიძის ბრიფინგს გამოეხმაურა, სადაც დეკანოიძის მტკიცებით, თბილისის რამდენიმე საარჩევნო უბანზე არჩევნების გაყალბება მოხდა.

დეკანოიძემ საარჩევნო პროცესის ამსახველი ვიდეომასალა წარადგინა.

მდინარაძის თქმით, ამ კონკრეტული შემთხვევბიდან გამომდინარე არ შეიძლება ითქვას, რომ მსგავსი ფაქტები სისტემურ ხასიათს ატარებდნენ.

ამასთან, პოლიტიკოსი აღნიშნავს, რომ წარმოდგენილი დარღვევები ყურადღება მისაქცევია.

„კონკრეტულ შემთხვევებს არ შეიძლება მივაწეროთ, რომ ეს არის სისტემური. ბუნებრივია, ეს დარღვევები ყურადღება მისაქცევია. მაგრამ, თქვენ იცით რომ არჩევნების მთელი პროცესია გადაღებული და რადგან 21 ოქტომრბის შემდეგ სხვა დარღვევბი ვერ აღმოაჩინეს, ეს ნიშნავს, რომ არჩევნები ჩატარდა უპრეცედენტოდ გამჭვირვალედ“,-აღნიშნა მამუკა მდინარაძემ.

მონიკა დავლიანიძე