კომენტარი

კითხვის ნიშანია, შეძლებს თუ არა საქართველოს ხელისუფლება ამერიკის ახალ ადმინისტრაციასთან ეფექტურად მუშაობას - ოთარ კახიძე

„ევროპული საქართველოს“ წევრის ოთარ კახიძის განცხადებით, ამერიკის ადმინისტრაციის ცვლილებამ საქართველო-ამერიკის ურთიერთობა უარესობისკენ არ უნდა შეცვალოს.

როგორც კახიძემ დონალდ ტრამპის ინაუგურაციასთან დაკავშირებით მედიას განუცხადა,
მნიშვნელოვანია, რომ საქართველოს მთავრობამ ახალ ადმინისტრაციასთან აქტიურად იმუშაოს, თუმცა, კახიძის თქმით, მას ხელისუფლების უნარიანობაში ეჭვი ეპარება.

„საქართველოს და ამერიკის ურთიერთობები უარესობისკენ არ უნდა შეიცვალოს. მნიშვნელოვანია, რომ საქართვლოს ჰყავდეს ეფექტიანი მთავრობა, რომელიც მოახერხებს ჩვენი ინტერესების ლობირებას და ეფექტიანად იმუშავებს ახალ ადმინისტრაციათან. სამწუხაროდ, ხელისუფლების უნარიანობას ამასთან დაკაშირებით კითხვის ნიშნის ქვეშ ვაყენებ, მაგრამ მხოლოდ უკეთესი იქნება ჩვენი ქვეყნისთვის თუ ამ ურთიერთობებს გააღრმავებენ და აქტიურად იმუშავებენ“,-აღნიშნა პოლიტიკოსმა.

მისი თქმით, ოპოზიცია კონტაქტების დასამყარებლად ახალ ადმინისტრაციასთან აქტიურად იმუშავებს.

„ჩვენის მხრივ, საპარლამენტო უმცირესობა, რა თქმა უნდა, აქტიურად იმუშავებს, რომ დაამყაროს შესაბამისი კონტაქტები ამერიკის ახალ ადმინისტრაციასთან“,-აღნიშნა კახიძემ.

მონიკა დავლიანიძე