მსოფლიო

კიმ ჩენ ინს წინ წარმოუდგენელი რამ ელოდება - დონალდ ტრამპი

აშშ-ის პრეზიდენტი დონალდ ტრამპი ჩრდილოეთ კორეის ლიდერის განცხადებას გამოეხმაურა, რომელშიც კიმ ჩენ ინი მას „შეშლილი“ უწოდა და დაემუქრა, რომ გაეროში წარმოთქმული სიტყვა აშშ-ის პირველ პირს „ძვირად დაუჯდება“.

ტრამპმა საპასუხოდ კიმ ჩენ ინი „გიჟად“ მოიხსენია.

„ჩრდილოეთ კორეის კიმ ჩენ ინს, რომელიც აშკარად გიჟია და არ ადარდებს საკუთარი ხალხის შიმშილით დახოცვა ან მოკვლა, წინ წარმოუდგენელი რამ ელოდება“, -დაწერა აშშ-ის პრეზიდენტმა ტვიტერის საკუთარ გვერდზე.

შეგახსენებთ, სამშაბათს ტრამპმა მიმართა ფხენიანს, რომ თუ ჩრდილოეთ კორეა დაემუქრება აშშ-სა და მის მოკავშირეებს, ის მას „სრულად გაანადგურებს“. მან ასევე უწოდა კიმ ჩენ ინს „კაცი-რაკეტა“, რომელიც ეს-ესაა თავსაც მოკლავს და თავის რეჟიმსაც.

ადგილობრივი მედიის მიერ გავრცელებულ განცხადებაში კიმ ჩენ ინმა აღნიშნა, რომ ის გააგრძელებს ბირთვულ იარაღზე მუშაობას. ჩრდილოეთ კორეის ლიდერის თქმით, ტრამპის სიტყვებმა დაარწმუნა, რომ მისი არჩეული გზა სწორია და ის მას ბოლომდე მიჰყვება.

კიმ ჩენ ინმა აღნიშნა, რომ ტრამპმა ყველაზე ველურად გამოაცხადა ომი.

გუშინ პრეზიდენტ ტრამპის გამოსვლაზე პირველი ოფიციალური განცხადება გააკეთა ჩრდილოეთ კორეის საგარეო საქმეთა მინისტმა რი იონგ ჰომმა. მან აშშ-ის პრეზიდენტის სიტყვა „ძაღლის ყეფას“ შეადარა და აღნიშნა, რომ ტრამპის ასისტენტები ეცოდება.

ჩრდილოეთ კორეამ გაეროს აკრძალვის მიუხედავად უკვე 6-ჯერ ჩაატარა ბირთვული იარაღის გამოცდა.

ანა მებურიშვილი