მსოფლიო

კიევში ამერიკის საელჩოს შენობასთან აფეთქება მოხდა

კიევში, ამერიკის საელჩოს შენობასთან, გვიან ღამით, აფეთქება მოხდა.

ამის შესახებ ინფორმაცია კიევის პოლიციის Facebook გვერდზე განთავსდა.

ინციდენტის შედეგად არავინ დაშავებულა. სამართალდამცველმა ორგანოებმა აფეთქებას ტერაქტის კვალიფიკაცია მისცეს. პოლიციელებმა შემთხვევის ადგილზე ასაფეთქებელი მოწყობილობა აღმოაჩინეს, რომელიც უცნობმა საელჩოს ტერიტორიაზე ისროლა.

თუმცა, დღეს, აფეთქებას ტერაქტის კვალიფიკაცია მოეხსნა და „ბოროტ ხულიგნობაში“ გადაკვალიფიცირდა.

ამის შესახებ ინფორმაციას „112 Украина“ ქვეყნის პოლიციის უფროსზე დაყრდნობით ავრცელებს.

„ნივთი, რომელიც საელჩოს ტერიტორიაზე შეაგდეს, ზიანს ვერავის მიაყენებდა. ამის გამო, ინციდენტის კვალიფიკაცია შეიცვალა როგორც ბოროტი ხულიგნობა“,- განაცხადა სერგეი კნიაზევმა.

თავად ამერიკის საელჩოს მომხდარს ტერაქტად არ განიხილავს. ამის შესახებ საელჩოს Facebook-ის გვერდზე დაიწერა.

„საელჩოს თანამშრომლები და ქონება ამ აფეთქების შედეგად არ დაზარალებულან. ჩვენ ამ ინციდენტს არ განვიხილავთ, როგორც ტერორისტულ აქტს“, - ნათქვამია განცხადებაში.

მონიკა დავლიანიძე