მსოფლიო

კიევის უმაღლეს რადასთან პოლიციასა და მომიტინგეებს შორის შეტაკება მოხდა - დაკავებულია 50 ადამიანი

კიევში, უმაღლეს რადასთან მოწყობილ კარვების ქალაქში სამართალდამცველებსა და მომიტინგეებს შორის შეტაკება მოხდა, რომლის შედეგად 50 ადამიანია დაკავებული. ამის შესახებ „112 Украина"-ს პოლიციის ხელმძღვანელმა ანდრეი კრიშჩენკომ განუცხადა.

მისი განმარტებით, დილიდანვე პოლიციას სასამართლოს გადაწყვეტილების შესაბამისად საგამოძიებო მოქმედებები უნდა ჩაეტარებინა კარვების ქალაქში.

„ამ დროისთვის ცნობილია, რომ სამედიცინო დაწესებულებებს 6-მა ადამიანმა მიმართა კარვების ქალაქიდან. ასევე დაშავდა პოლიციის 4 თანამშრომელი. სულ 50 ადამიანია დაკავებული“, - თქვა კრიშჩენკომ.

კრიშჩენკომ თქმით, მაშინ , როცა პოლიციამ სასამართლოთი დაშვებული ქმედებების შესრულებას შეუდგა, მომიტინგეები შეეწინააღმდეგნენ და საბურავებს ცეცხლი წაუკიდეს.

ანა მებურიშვილი