კომენტარი

კიდევ იქნება არჩევნები ამ ქვეყანაში, თორემ მიშა რომ ჯართია, გასაგებია - ნანუკა ჟორჟოლიანი

ტელეწამყვანი ნანუკა ჟორჟოლიანი ე.წ. უგულავა-ბოკერიას გუნდის მიერ „ნაციონალური მოძრაობის“ დატოვების ფაქტს ფეისბუქის პირად გვერდზე ეხმიანება.

“ჩემთვის ყველაფერი გასაგებია. ერთადერთი კითხვა მაქვს. არჩევნებამდე რატომ არ წავიდნენ? რეალურად, ამ კითხვაზე პასუხი არის ყველაზე მნიშვნელოვანი. არ მიიღება პასუხი, რომ ცდილობდნენ ერთიანობას.

ასე რომ ყოფილიყო, გიგი წერეთლის მამას პარტიას არ დაარეგისტრირებინებდნენ.

ის, რომ ბოკერიამ ამ “კარტინკისთვის” დაწერა გამსვლელთა სია, ეგეც გასაგებია. ემზადებოდნენ, ფაქტია, გაყრისთვის, უბრალოდ, არჩევნებამდე რატომ არ წავიდნენ, თუ საკუთარ ძალებში იყვნენ დარწმუნებულები? აი, ესაა საინტერესო: კიდევ იქნება არჩევნები ამ ქვეყანაში, არაერთი თან, თორემ მიშა რომ ჯართია და გივი თარგამაძე, გიგა ბოკერია, ხათუნა გოგორიშვილი, მიშა მაჭავარიანი, გიგი წერეთელი, გოკა გაბაშვილი, ღვინიაშვილი, ჭიაბერაშვილი ახალი სახეები, გასაგებია.

წაიშლება ყველა კომენტარი, სადაც გიგი იქნება ცუდ კონტექსტში მოხსენიებული. გაითვალისწინეთ, ეს მისი მეგობრის გვერდია”, – წერს ჟორჟოლიანი.

ნინო ექვთიმიშვილი