კომენტარი

ხმა მივეცი იმას, რომ ქალაქი იყოს სიყვარულით, ისტორიითა და კულტურით სავსე - კახა კალაძე

პარტია „ქართული ოცნების“ თბილისის მერობის კანდიდატმა კახა კალაძემ საკუთარი არჩევანი უკვე დააფიქისრა.

როგორც კალაძემ ჟურნალისტებს საირმის ქუჩაზე, 64 საარჩევნო უბანთან განუცხადა, მან ხმა მისცა იმას, რომ ქალაქში სიცოცხლე უნდა იგრძნობოდეს.

„არჩევანი გავაკეთე, რომ ქალაქი იყოს ეკოლოგიურად სუფთა, ტრანსპორტი იყოს მოწესრიგებული, ქალაქი ურბანულად გამართული იყოს და ქაოტური განაშენება არ ხდებოდეს. ქალაქში სიცოცხლე უნდა იგრძნობოდეს, ქალაქი უნდა იყოს სიყვარულით, ისტორიითა და კულტურით სავსე. მჯერა, რომ ამას ერთობლივად შევძლებთ და მოვახერხებთ“,-განაცხადა კალაძემ.

კითხვაზე, არის თუ არა ის დღეს ჟურნალისტების წინაშე ბოლოჯერ თბილისის მერობის კანდიდატის სტატუსით, კახა კალაძემ განაცხადა, „დღეს ამას გადაწყვეტს დედაქალაქის მოსახლეობა და საღამოს ყველაფერი გახდება ცნობილი“.

მონიკა დავლიანიძე