კომენტარი

ხელისუფლება ვალდებულია „ომეგა ჯგუფის“ საქმეზე ყველა კითხვას პასუხი გასცეს - გია ვოლსკი

ლონდონის სასამართლო საკმაოდ ავტორიტეტულია და იქ „ომეგა ჯგუფის“ საქმესთან დაკავშირებით ყველა შეკითხვას პასუხი უნდა გაეცეს, - განუცხადა ჟურნალისტებს პარლამენტის ვიცე-სპიკერმა გია ვოლსკიმ.

ვოლსკის შეფასებით, „ომეგა ჯგუფის“ დამფუძნებელი ზაზა ოქუაშვილი დეზინფორმაციის გავრცელების გზით მოქმედებს.

„ეს ადამიანი აკეთებს ჩანაწერებს, გამოდის განცხადებებით და ბიუჯეტში თანხას არ იხდის. ის აშკარად იტყუება, როცა ამბობს, რომ არანაირი შეთავაზება კომპრომისთან დაკავშირებით არ ჰქონდა. ხელისუფლება ვალდებულია „ომეგა ჯგუფის“ საქმეზე ყველა კითხვას პასუხი გასცეს. სხვანაირად არც შეიძლება იყოს“, - აცხადებს გია ვოლსკი.