კომენტარი

ხელისუფლება ხელოვნური მიზეზებით ცდილობს ტელეკომპანია ,,იბერიას“ გადაუკეტოს აბსოლუტურად ყველა ფინანსური წყარო - არჩილ გამზარდია

,,იბერიას“ ტელეწამყვანი არჩილ გამზარდია ტელეკომპანიის გარშემო მიმდინარე მოვლენებს ეხმიანება.

,,უკვე საფრთხის პროცესში ვართ ჩვენ, იმიტომ, რომ ტელეკომპანია ,,იბერია“ არის ,,ომეგა ჯგუფის“ ბიზნესის დოტაციაზე.

დღეისათვის ძირითადი დამფინანსებელი ტელეკომპანიის არის უკვე პარალიზებული. არ მუშაობს ფაბრიკა უკვე რამდენიმე თვეა.

ხელისუფლება ძალიან ხელოვნური მიზეზებით ცდილობს, რომ ტელეკომპანია ,,იბერიას“ გადაუკეტოს აბსოლუტურად ყველა ფინანსური წყარო.

მე გარე წყაროებიდან ვიცი, რომ ამ ყველაფრის მიზეზად თავად უკვე ხელისუფლების წევრები შიდა წრეებში ასახელებენ იმას, რომ ეს ყველაფერი არის ,,იბერიის“ არსებობა.

ხელისუფლება ითხოვს ,,ომეგასგან“ გადაიხადოს ის ჯარიმა, რომელსაც ხელისუფლების მიზეზით ადებს თავად ხელისუფლება. ეს ჯარიმა თავიდან ბოლომდე არის იმ მიზეზით, რომ მან შეუშალა ხელი ,,ომეგა ჯგუფის“ მუშაობას და შესაბამისად, დაადო ჯარიმა და არც მისცა რესტრუქტურიზაციის საშუალება, რაც თავისთავად კანონმდებლობით გათვალისწინებული ნორმაა. ,,ომეგა ჯგუფმა“ ყველა ფორმალური, კანონით გათვალისწინებული ძალისხმევა გამოიყენა, მაგრამ ხელისუფლებისგან მიიღო აბსოლუტური უარი“, - განაცხადა არჩილ გამზარდიამ.