მსოფლიო

ხამენეის არსებობა აღარ უნდა გაგრძელდეს - ისრაელის თავდაცვის მინისტრი

თეირანის მიერ სარაკეტო იერიშების მორიგი ტალღის შემდეგ, ისრაელის თავდაცვის მინისტრმა, ისრაელ კაცმა მკაცრი განცხადება გააკეთა ირანის უზენაეს ლიდერთან დაკავშირებით.

მინისტრის თქმით, აიათოლა ალი ხამენეი, რომელიც ქვეყნის მეთაურია და ისრაელის განადგურებას საკუთარ მისიად მიიჩნევს, "აღარ უნდა აგრძელებდეს არსებობას".

„დიქტატორი, როგორიცაა ხამენეი, რომელიც მტრობის იდეოლოგიაზე აგებულ სახელმწიფოს ხელმძღვანელობს და მიზნად ისახავს ისრაელის გაქრობას, არ უნდა არსებობდეს,“ — განაცხადა კაცმა.

მისი თქმით, ისრაელის თავდაცვის ძალებმა (IDF) უკვე მიიღეს შესაბამისი ინსტრუქციები და აცნობიერებენ, რომ საკუთარი სტრატეგიული მიზნების მისაღწევად ხამენეის განეიტრალება საჭირო იქნება.

აღნიშნული განცხადება მოჰყვა ამერიკული მედიის ცნობებს, რომლის მიხედვითაც, აშშ-ის პრეზიდენტი დონალდ ტრამპი ცოტა ხნის წინ ვეტოს ადებდა ისრაელის გეგმას ხამენეის ლიკვიდაციის თაობაზე. თავად ტრამპმაც განაცხადა, რომ ხამენეის მოკვლა ჯერჯერობით არ იგეგმება — „თუნდაც ამ ეტაპზე“.