კომენტარი

ხადურის განცხადებები სერიოზულად არ უნდა მივიღოთ - ზურაბ ჭიაბერაშვილი

ხადურის განცხადებები სერიოზულად არ უნდა მივიღოთ, ის უბრალოდ გვატყუებს, - ასე გამოეხმაურა ნაციონალური მოძრაობის წევრი, ზურაბ ჭიაბერაშვილი ფინანსთა მინისტრის ნოდარ ხადურის დღევანდელ განცხადებას იმასთან დაკავშირებით, რომ ლარის კურსი აუცილებლად გამყარდება.

,,პრობლემა არის იმაში, რომ მთავრობას არ აქვს არანაირი გეგმა. ესენი არიან ბიძინა ივანიშვილის მარიონეტები. არანაირი გეგმა არ აქვთ და არც ინტერესი აქვთ, რომ გამოასწორონ მდგომარეობა’’, - განაცხადა ზურაბ ჭიაბერაშვილმა.

მისივე თქმით, აუცილებელია შეიკვეცოს ბიუჯეტის ხარჯები.

,,ბოლო 4 წლის განმავლობაში გრძელდება ჩვენი გაღარიბება და ამის ბოლო მაჩვენებელი არის ის, რომ სექტემბერში ეკონომიკა სულ რაღაც 1,5 %-ით გაიზარდა. ბიუჯეტის დეფიციტური ხარჯვა არის ერთ-ერთი მნიშვნელოვანი ფაქტორი, რაც ზეწოლას ახდენს ლარზე. აუცილებელია შეიკვეცოს ბიუჯეტის ხარჯები, მათ უარი თქვან გაბერილ სამივლინებო ხარჯებზე, პრემიებზე, დანამატებზე’’, - განაცხადა ზურაბ ჭიაბერაშვილმა.

ნინო ექვთიმიშვილი