მსოფლიო

კარგი იქნება, თუ ამერიკა და ნატო რუსეთთან ურთიერთობის დალაგება შეძლონ- დონალდ ტრამპი

ამერიკის პრეზიდენტის დონალდ ტრამპის განცხადებით, კარგი იქნება, თუ ამერიკა და ნატო რუსეთთან ურთიერთობის დალაგება შეძლონ.

ამის შესახებ ტრამპმა თეთრ სახლში იენს სტოლტენბერგთან გამართულ პრესკონფერენციაზე განაცხადა.

„კარგი იქნებოდა, და ჩვენ ეს განვიხილეთ, რომ ჩვენმა ქვეყანამ და ნატომ რუსეთთან ურთიერთობის დალაგება შეძლონ, თუმცა ამჟამად საწინააღმდეგო ხდება.ურთიერთობის გაუარესების პროცესი დიდი ხნის განმავლობაში მიმდინარეობს, თუმცა, შესაძლოა ახლა, რუსეთთან ურთეირთობის ყველაზე ცუდი პერიოდია. პუტინი რუსეთის ლიდერია. რუსეთი მძლავრი ქვეყანაა. ჩვენ - ძალიან, ძალიან მძლავრი ქვეყანა ვართ. ვნახოთ, რა გამოვა აქედან“,-განაცხადა ტრამპმა.

მისივე თქმით, კარგი იქნებოდა ვლადიმირ პუტინთან ურთიერთობის დალაგებაც.

„ეს შესაძლოა მოხდეს, თუმცა შესაძლოა არც მოხდეს. მე შემიძლია გითხრათ მხოლოდ ის, რის გაკეთებას ვაპირებ. ძალიან მინდა ყველასთან დავალაგო ურთიერთობა. ამჟამად, მსოფლიოში ქაოსია. მაგრამ, ვფიქრობ, როდესაც ჩვენი ადმინისტრაცია მუშაობას დაასრულებს, მსოფლიოში ცოტათი უკეთესი ცხოვრება იქნება. მაგრამ, დღეს ჩვენი სამყარო - არასასიამოვნო ადგილია“,-აღნიშნა ამერიკის პრეზიდენტმა.

მონიკა დავლიანიძე