მსოფლიო

კალიფორნიის ვეტერანთა სახლში მძევლად აყვანილი სამი ქალი მოკლული იპოვეს

კალიფორნიაში, იონტვილის ვეტერანთა სახლში აყვანილი სამი მძევალი ქალი მოკლული იპოვეს. ასევე მკვდარია შეიარაღებული თავდასხმელი, რომელიც აღმოჩნდა ჩართული Pathway Home-ის სარეაბილიტაციო პროგრამაში, რომელიც განკუთვნილია პოსტტრავმატული სტრესული აშლილობის მქონე ვეტერანებისთვის. თავდასხმელმა აღნიშნული სარეაბილიტაციო ცენტრი 2 კვირის წინ დატოვა.

ოლქ ნაპას შერიფის, ჯონ რობერტსონის ინფორმაციით, სამართალდამცველებმა აშშ-ის დროით პარასკევს დილის 10:30 საათიდან ცდილობდნენ თავდასხმელთან დაკავშირებას. რობერტსონის თქმით, მათთვის ცნობილია თავდასხმელის ვინაობა, თუმცა არ დაუსახელებია.

უცნობია თავდასხმის მოტივი.

კალიფორნიის ვეტერანთა სახლი ერთ-ერთი უმსხვილესია აშშ, მასში 1000-მდე სამხედრო ვეტერანი ცხოვრობს. The Pathway Home იქვე, ცალკე შენობაში მდებარეობდა, სწორედ ამ დაწესებულების თანამშრომლები იყვნენ მძევლად აყვანილი ქალები.