კომენტარი

კახა კალაძემ მთაწმინდის ქედსა და აფაქიძის ქუჩაძე მიმდინარე სამუშაოებთან დაკავშირებით განმარტება გააკეთა

აფაქიძის ქუჩის მცხოვრებელები მიმდინარე მშენებლობას აპროტესტებენ და აცხადებენ, რომ ორ კორპუსს შორის საჭირო დისტანცია დარღვეულია.

მათი თქმით, დაახლოებით ერთი წლის წინ დაწყებული მშენებლობა დავით ნარმანიას მერობის დროს მათი პროტესტის შედეგად შეჩერდა, თუმცა რამდენიმე დღის წინ სამუშაოები განახლდა.

აფაქიძის ქუჩის მცხოვრებლების პროტესტს გამოეხმაურა თბილისის მერი კახა კალაძე.

მისი განცხადებით, პროექტი გამართულია.

"ამ საკითხით დაინტერესებულები ვართ. პროექტი არის გამართული. იმ კონკრეტულ ადგილზე, ხდება შენობის აშენება, რომლის დემონტაჟი განხორციელდა. ასე, რომ იქ შენობა არსებობდა და ახალი მშენებლობა ხორციელდება. პრობლემა არ არის არანაირი", - განაცხადა კალაძემ.

დედაქალაქის მერმა განმარტება გააკეთა მთაწმინდის ქედზე მიმდინარე სამუშაოებთან დაკავშირებითაც.

თბილისის მერის განცხადებით, ამ კონკრეტულ პროექტთან მიმართებაში საუბარი იყო იმაზე, თითქოს გეოლოგიური დასკვნა არ არსებობდა, თუმცა როგორც კახა კალაძემ ამბობს, "არსებობს გეოლოგიური დასკვა, პროექტი გამართულია და მასთან დაკავშირებით პრობლემა არ არის ".