კომენტარი

ივანიშვილს სჭირდება ახლა ღარიბაშვილი, როგორც პოლიტიკურად ქურდული ავტორიტეტის მქონე ადამიანი - არმაზ ახვლედიანი

თბილისის პოლიტიკური სწავლების სკოლის დამფუძნებელი და დირექტორი, პოლიტიკურ მეცნიერებათა დოქტორი, არმაზ ახვლედიანი, ირაკლი ღარიბაშვილის პოლიტიკაში დაბრუნებას ეხმაურება:

„რა შეიცვალა ვკითხულობ? გაიზარდა ღარიბაშვილი პოლიტიკურად? ისწავლა შეცდომებზე? რა თქმა უნდა არა. მხოლოდ ის ხდება, რომ ივანიშვილს სჭირდება ახლა ღარიბაშვილი, როგორც პოლიტიკურად ქურდული ავტორიტეტის მქონე ადამიანი, ვინც რაღაცეებს დაულაგებს უკეთ ვიდრე შეიძლება აქამდე ულაგებდა კობახიძე.

კობახიძე კი ძალიან მონდომებულია, როგორ არ ცდილობს დაულაგოს, მაგრამ ავტორიტეტი კობახიძის საერთოდ ვერ შედგა. განწყობა ნათლად გამოიხატა გასული საპრეზიდენტო არჩევნების პირველ ტურში, როცა მას უთხრეს, რომ შენ პოლიტიკურად შიშველი ხარ.

და თუ ივანიშვილის ჰგონია, რომ ღარიბაშვილის სადამსჯელო რაზმის შემოყვანით ახლა პოლიტიკურ პროცესში შეიძლება ოდნავ მაინც მისთვის სასიკეთოდ ან ტაქტიკურად ან სტრატეგიულად რამე შეიცვალოს, ის ცხადია მწარედ ცდება. ამ თავისი არასწორი, უგუნური გადაწყვეტილების შედეგს სულ მალე დაინახავს,“-განაცხადა არმაზ ახვლედიანმა.