კომენტარი

ივანიშვილმა მითხრა, რომ ქიბარ ხალვაში ძალიან კარგი ბიჭია - ზაზა ოქუაშვილი

ყველა საყვედურში, სადაც ითქმებოდა "იბერია," ასევე სალანძღავი სიტყვა იყო "რუსთავი 2", რომ თქვენ "რუსთავი 2"-ს გადააჭარბეთ ბევრ საკითხშიო, - განაცხადა ,,ომეგა ჯგუფის" დამფუძნებელმა ზაზა ოქუაშვილმა გადაცემა "კვირის აქცენტებში" ლონდონიდან ჩართვისას.

ბიზნესმენმა გაიხსენა, რომ ყოფილ პრემიერ ბიძინა ივანიშვილთან შეხვედრისას, ამ უკანასკნელმა არაერთხელ ახსენა "რუსთავი 2" და მას უთხრა, რომ მალე იბერია ტვ „რუსთავი 2“-ს დაემსგავსებოდა.

„ჩვენ მივიღეთ კომპლიმენტად, რომ გავხდებით პოპულარული, როგორც ჩანს ასპექტი სხვა იყო,“-განაცხადა ოქუაშვილმა.

მისივე თქმით "რუსთავი 2"-ზე საუბრისას ბიძინა ივანიშვილმა გვერდი ვერ აუარა ბიზნესმენ ქიბარ ხალვაშს.

„შეხვედრის დროს ქიბარ ხალვაშს ვერ აუარა გვერდი ბატონმა ივანიშვილმა. მითხრა რომ ძალიან კარგი ბიჭია და მაშინვე ვუთხარი მე, რომ ქიბარს ჰქონდა ცუდი როლი 2004 წელს და ერთ-ერთი ვინც არასწორად იარა, ეს იყო ხალვაში და ოქრუაშვილი, რომლებმაც გაუფუჭეს სახელი და საქმეები პარტიას,“-განაცხადა ზაზა ოქუაშვილმა და გაიხსენა, რომ წინა ხელისუფლების დროს, მასთან ტელევიზიის გადაფორმების საკითხზე სასაუბროდ სწორედ ქიბარ ხალვაში მივიდა ირაკლი ოქრუაშვილის დავალებით.