მსოფლიო

იულია ტიმოშენკო პოლონეთში ჩადის, რომ მიხეილ სააკაშვილის უკრაინაში დაბრუნებაში დაეხმაროს

უკრაინის პარტია „ბატკივშჩინას“ ლიდერი იულია ტიმოშენკო 10 სექტემბერს პოლონეთში ჩავა, რომ ოდესის ოლქის ყოფილ გუბერნატორს მიხეილ სააკაშვილს უკრაინაში დაბრუნებაში დაეხმაროს.

ამის შესახებ ტიმოშენკომ ტელეარხ NewsOne-ის ეთერში განაცხადა.

„აუცილებლად დავუჭერ მხარს მიხო სააკაშვილს, პირადად. ის 10 სექტემბერს გეგმავს მშვიდობიანად მოვიდეს და წერილი წარადგინოს, სადაც აღნიშნულია ის საფუძვლები, რომლის მიხედვით, მას აქვს უფლება უკრაინაში იცხოვროს, მიუხედავად იმისა,რომ მას მოქალაქეობა ჩამოართვეს“,-აღნიშნა პოლიტიკოსმა.

ტიმოშენკომ ასევე პრეზიდენტი პეტრო პოროშენკო დაადანაშაულა იმაში, რომ ის სააკაშვილის წინააღმდეგ „პოლიტიკური რეპრესიების ბინძურ მეთოდებს იყენებს“.

მონიკა დავლიანიძე