მსოფლიო

ისრაელი ტერორის პოლიტიკას ატარებს - რეჯიფ ტაიფ ერდოღანი

თურქეთის პრეზიდენტმა რეჯიფ ტაიფ ერდოღანმა გააკრიტიკა ისრაელის პრემიერ-მინისტრი ბენიამინ ნეთანიაჰუ და ისრაელი „ტერორის პოლიტიკის“ გატარებაში დაადანაშაულა. ნეთანიაჰუ უარყოფითად გამოეხმაურა თურქეთის ანტიტერორისტულ ოპერაციას სირიის რეგიონ აფრინში.

„ჩვენ ტერორისტებს ვებრძვით, შენ კი არა. იმიტომ რომ ისრაელი ტერორის სახელმწიფოა“, -თქვა ერდოღანმა.

ერდოღანმა ნეთანიაჰუ „ოკუპანტი“ და ტერორისტი უწოდა პალესტინასთან კონფლიქტის გამო. თურქეთის ლიდერის თქმით, ისრაელს მისი გასაკრიტიკებელი არაფერი არ სჭირს.

„შენ ასევე ტერორისტი ხარ. ისტორია აღწერს, რაც გაუკეთე დაჩაგრულ პალესტინელებს“, -თქვა ერდოღანმა.

ერდოღანის თქმით, თურქეთი აგრძელებს ბრძოლას ტერორისტებთან, მათ შორის აშშ-ში მცხოვრები ფეთხჰულა გიულენის მოძრაობასთან.

ცნობისთვის, ანკარამ განაცხადა, რომ სრული კონტროლი დაამყარა აფრინის რეგიონზე.