მსოფლიო

„ისლამური სახელწმიფოს გეგმებს ბოლო მოეღო“ - სირიის ჯარმა ტერორისტების უკანასკნელი ბასტიონი დაიკავა

სირიის ჯარმა თავის მოკავშირეებთან ერთად ისლამური სახელმწიფოს ბოლო ბასტიონი - ქალაქი ალბუ კამალი გაათავისუფლა. როგორც ჯარის ოფიციალურ განცხადებაში წერია, ალბუ კამალის დაბრუნება სირიაში ტერორისტული ორგანიზაციის გეგმებს ბოლო მოუღო.

„ქალაქ ალბუ კამალის გათავისუფლება ძალიან მნიშვნელოვანია, რადგან ეს მიუთითებს დაეშის ორგანიზაციის გეგმების სრულ დამარცხებაზე ამ რეგიონში“, - წერია განცხადებაში.

ჯარის ხელმძღვანელობის ინფორმაციით, სირიელი ჯარისკაცები ამჟამად ებრძვიან ქვეყნის აღმოსავლეთით მდებარე უდაბნოში შემორჩენილი ისლამური სახელწმიფოს რაზმებს.

ქალაქი ალბუ კამალი ქვეყნის აღმოსავლეთით, ერაყის საზღვართან მდებარეობს.

ანა მებურიშვილი