კომენტარი

ისეთი რაღაც ხდება, რაც აზიანებს სასამართლოს პრესტიჟსა და ავტორიტეტს - ლევან მურუსიძე

იუსტიციის უმაღლესი საბჭოს მდივანი ლევან მურუსიძე სასამართლოს კრიტიკისთვის სანქციების შესაძლო დაწესებაზე იუსტიციის უმაღლესი საბჭოს წევრების განცხადებებს გამოეხმაურა.

როგორც მურუსიძემ აღნიშნა, ეს ინიციატივა ითვალისწინებს დიალოგის დაწყებას სასამართლო ხელისუფლებასა და სამოქალაქო საზოგადოებას შორის.

მისი თქმით, პრობლემა არის გლობალური ვიდრე ერთი კონკრეტული მოსამართლის შეურაცხყოფა, რითაც რეალურად საფრთხე ექმნება სასამართლო სისტემის პრესტიჟს, ღირსებას და ავტორიტეტს.

„იუსტიციის უმაღლესმა საბჭომ თქვა, რომ ის რაც ხდება, აზიანებს არამხოლოდ ერთ კონკრეტულ მოსამართლეს, პრობლემა არის გაცილებით გლობალური. რეალურად, საფრთხე ექმნება სასამართლო სისტემის გამართულობას და მის ავტორიტეტს. აქედან გამომდინარე, ჩვენ შევთავაზეთ მხარეებს, რომ გამართოს დისკუსია, ვიმსჯელოთ, იქნებ რამეზე შევთანხმდეთ, სანქციები მოსამართლის შეურაცხყოფისთვის სასამართლოს დარბაზში ისედაც არსებობს. აქ არის საუბარი იმაზე, რომ ისეთი რაღაც ხდება, რაც აზიანებს სასამართლოს პრესტიჟსა და ავტორიტეტს. დავსხდეთ, ვისაუბროთ და შევთანხმდეთ იმაზე, რომ იქნებ რაღაცნაირად ავკრძალოთ ლანძღვა-გინება“, - განაცხადა ლევან მურუსიძემ.

ნინო ექვთიმიშვილი