კომენტარი

ის, რომ დღეს თავდაცვის მინისტრი არ იმყოფება ბრიუსელში ნატოს მინისტერიალზე, ყველაზე უფრო ცუდი პასუხია-თინა ხიდაშელი

საქართველოს თავდაცვის ყოფილი მინისტრის თინა ხიდაშელის განცხადებით, ის რომ მოქმედი თავდაცვის მინისტრი ნატოს მინისტერიალზე ბრიუსელში არ იმყოფება ყველაზე უფრო ცუდი პასუხი იმ შესაძლებლობებზე, რომელიც ამ წუთის მდგომარეობით ხელიდან არის გაშვებული.

ამის შესახებ ხიდაშელმა საკითხის კომენტირებისას ჟურნალისტებს განუცხადა.

„ის, რომ დღეს თავდაცვის მინისტრი არ იმყოფება ბრიუსელში, არის ყველაზე უფრო ცუდი პასუხი იმ შესაძლებლობაზე, რომელიც ხელიდან, ამ წუთის მდგომარეობით, გაშვებულია. არგუმენტი იმის შესახებ, რომ ეს შიდა მინისტერიალია - არ მიიღება. ვინც იცის ეს საკითხი ეს ძალიან კარაგდ იცის, რომ ნატო-ს ყველა მინისტერიალი- შიდა მინისტერიალია. ოღონდ პარტნიორებს იწვევენ ხოლმე მაშინ, როდესაც პარტნიორი აქტიურია და ამას მოითხოვს. ჩემი მინისტრობის დროს ჩვენ რამდენიმე ნატო-საქართველოს კომისია გავმართეთ და ბოლო მინისტერიალზე მე ორმხრივი შეხვედრები ვითხოვე, რომ ყველაზე უფრო მნიშვნელოვანი საუბრების დროს, რომელიც ვარშავის სამიტის წინ ბრიუსელში იმართებოდა იქ ვყოფილიყავით და გავლენა მოგვეხდინა პროცესზე“,-განაცხადა ხიდაშელმა.

მონიკა დავლიანიძე