მსოფლიო

ირანის ხელმძღვანელობის ლიკვიდაციის მიზნის მიღწევის კუთხით.ისრაელის დარტყმების სამიზნეებს ირანის უზენაესი ლიდერი და ირანის პრეზიდენტი წარმოადგენდნენ, შედეგები ამ ეტაპზე უცნობია - The Times of Israel

ისრაელის დარტყმების სამიზნეებს ირანის უზენაესი ლიდერი და ირანის პრეზიდენტი წარმოადგენდნენ - დარტყმების შედეგები ჯერჯერობით უცნობია, - ინფორმაციას გამოცემა The Times of Israel-ი ავრცელებს.

გამოცემას ისრაელის ოფიციალურმა პირმა განუცხადა, რომ დღეს დილით განხორციელებული დარტყმების სამიზნეები ირანის უზენაესი ლიდერი, აიათოლა ალი ხამენეი, პრეზიდენტი მასუდ ფეზეშქიანი და ასევე, სხვა მაღალი რანგის სამხედრო მეთაურები იყვნენ.

ამასთან, რამდენიმე წუთის წინ, ისრაელური წყაროებზე დაყრდნობით, ისრაელის მე-12 არხმა განაცხადა, რომ ისრაელი მიიჩნევს — ირანზე განხორციელებული დარტყმები ამ ეტაპზე „ძალიან წარმატებული“ იყო ირანის ხელმძღვანელობის ლიკვიდაციის კუთხით.

მანამდე, ირანულმა მედიამ ინფორმაცია გაავრცელა, რომ ქვეყნის პრეზიდენტს, მასუდ ფეზეშქიანს საფრთხე არ ემუქრება, ხოლო აიათოლა ალი ხამენეი უსაფრთხო ლოკაციაზეა გადაყვანილი.