კომენტარი

ირაკლი პეტრიაშვილი არჩევნებში სკაუთარი კანდიდატურის მოხსნაზე უარს აცხადებს

გაერთიანებული პროფკავშრების მოქმედი თავმჯდომარე ირაკლი პეტრიაშვილი არჩევნებზე საკუთარი კანდიდატურის მოხსნას არ აპირებს.

როგორც პეტრიავილმა პრესკონფერენციაზე აღნიშნა, ამას იმ შემთხვევაში გააკეთებს, თუ დათო ოქიტაშვილი და ამირან ზენაიშვილი მოხსნიან კანდიდატურებს.

„არანაირი პრეტენზია და ამბიცია, რომ მე გამეგრძელებინა პროფკავშირების თავმჯდომარეობა არ მქონია, ვიდრე არ გაჩნდა ამის საფრთხე. კიდევ ერთხელ ვამბობ, როდესაც მოიხსნება ეს საფრთხეები, როდესაც პროფკავშირებს არ ეყოლება შეთხზული კანდიდატები ბინძური კამპანიებით, ამ შემთხვევაში აღარ მექნება სურვილი, რომ ვიყო პროფკავშირები თავმჯდომარე.

ოქიტაშვილი სიტყვას სიტყვას ვერ აბამს. ბუნებრივია, მისი კანდიდატურის მოხსნის თაობაზე განცხადებით ის ფიქრობს, რომ ზენაიშვილს გაამარჯვებინებს და თავის სასურველ შედეგს მაინც დადებენ - პროფკავშირებს ჩაიდებენ ჯიბეში. არჩევნები ტარდება ღიად, გამჭვირვალედ. მზად ვართ, რომ ყველაფერი, არა მხოლოდ არჩევნების პროცესი, არამედ დოკუმენტაცია, რომელიც არჩევნებს და დელეგატებს ეძღვნება, მედიასაშუალებით იყოს გაშუქებული“,- განაცხადა ირაკლი პეტრიაშვილმა.

მონიკა დავლიანიძე