კომენტარი

ირაკლი კობახიძეს კულულში მოვკიდებდი ხელს და ჩავიყვანდი მეტროში და ვანახებდი ხალხი რა დღეშია - ალეკო ელისაშვილი

ირაკლი კობახიძეს კულულში მოვკიდებდი ხელს და ჩავიყვანდი მეტროში - კულულით ვატარებდი რეგიონებში, სათითაოდ მივიყვანდი გაჭირვებულ ოჯახებში და ვანახებდი, იგონებს თუ არა რომელიმე ჟურნალისტი, - განაცხადა „პალიტრანიუსის“ გადაცემაში “7VS1” ალეკო ელისაშვილმა.

მისი თქმით, სამარცხვინოა პარლამენტის თავმჯდომარის განცხადება, რომ სიღარიბე შემცირდა.

„ვუყურებდი კობახიძეს და გამაოგნებელი იყო, სიღარიბე არ არისო და ეს ღარიბ ხალხს რომ ალაპარაკებთ, ჩაწერილიაო. ირაკლი კობახიძეს კულულში მოვკიდებდი ხელს და ჩავიყვანდი მეტროში, ამოვიყვანდი ნავთლუღის ბაზართან, ვაგზალზე, დიდუბის მეტროდან რომ გამოდიხარ და ვანახებდი ხალხი რა დღეშია. კულულით ვატარებდი რეგიონებში, სათითაოდ მივიყვანდი გაჭირვებულ ოჯახებში და ვანახებდი, იგონებს თუ არა რომელიმე ჟურნალისტი. დადის ჯიპით, 800 დაცვის მანქანით, მაგასაც მთელი მსოფლიო მოსაკლავად არ დასდევდეს და უშველებელ კაბინეტში ზის, საიდანაც არაფერი ჩანს“, - განაცხადა ალეკო ელისაშვილმა.