მსოფლიო

ინდოეთში სიცხისგან სულ მცირე 170 ადამიანი გარდაიცვალა

ინდოეთის ტელანგანას შტატში, 1 პრილიდან დღემდე, სიცხისგან სულ მცირე 170 ადამიანია გარდაცვლილი.

მედიის ინფორმაციით, ასეთ მონაცემებს ტელანგანას ხელისუფლება ავრცელებს.

გავცრელებული ინფორმაციით, უკანასკნელი რამდენიმე დღის განმავლობაში შტატში სიცხე 40 გრადუს აჭარბებს.

ინდოეთის ზოგიერთ შტატში კი, ტემპერატურა 47 გრადუსს აღწევს. სინოპტიკოსების ვარაუდით, ექსტრემალური ცხელება კიდევ რამდენიმე დღე შენარჩუნდება.

შეგახსენებთ, რომ 2016 წელს, მარტი-მაისის პერიოდში ინდოეთში 700-მდე ადამიანი დაიღუპა.

მათგან უდიდესი ნაწილი ტელაგანასა და ანდხრა-პრადეშის შტატის მაცხოვრებელი იყო.

2015 წელს კი, ანომალურ სიცხეს - 2, 3 ათასი ადამიანი ემსხვერპლა, აქედან 600-მდე ტელაგანაში.

მონიკა დავლიანიძე