კომენტარი

„იმედმა“ განცხადება გააკეთა, ბანკი თუ შეიქმნება და შესაძლებელი იქნება, ფიზიკურმა პირებმა ანგარიში გახსნან, ჩემს ანგარიშს აუცილებლად გავხსნი - შალვა პაპუაშვილი

„ტელეკომპანია „იმედმა“ განცხადება გააკეთა, ბანკი თუ შეიქმნება და შესაძლებელი იქნება, ფიზიკურმა პირებმა ანგარიში გახსნან, ჩემს ანგარიშს აუცილებლად გავხსნი, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

„ყველა ადამიანს შესაძლებლობა აქვს, შესაბამისი პირობების შემთხვევაში, ნებისმიერი ბიზნესი მიიწვიოს. ასეთი ბანკი თუ შეიქმნება და შესაძლებელი იქნება, ანგარიში ფიზიკურმა პირებმა გახსნან, ჩემს ანგარიშს აუცილებლად გავხსნი“, – აღნიშნა პაპუაშვილმა.

ტელეკომპანია „იმედი“, რომელიც დიდმა ბრიტანეთმა ტელეკომპანია POSTV-სთან ერთად დაასანქცირა, საკუთარ ბანკს ქმნის.

როგორც ტელეკომპანიის მიერ გავრცელებულ განცხადებაშია ნათქვამი, „იმედის“ ჰოლდინგის ახალი დამფუძნებლები, ტელეკომპანიის ერთგული მეგობრებისა და სპონსორების ფინანსური მხარდაჭერით, უმოკლეს ვადაში, სულ რამდენიმე თვეში, შექმნიან საკუთარ ბანკს, სახელწოდებით ,,იმედის ბანკი“.