კომენტარი

იმედი მაქვს სააკაშვილი საზღვრის „გარღვევით“ საქართველოშიც ეცდება მოხვედრას - პეტრო პოროშენკო

უკრაინის პრეზიდენტი პეტრო პოროშენკო, მიხეილ სააკაშვილის მიერ „შეგინის“ გამშვები პუნქტის „გარღვევით“ უკრაინაში შესვლის ფაქტს გამოეხმაურა.

როგორც პოროშენკომ Twitter-ში პირად გვერდზე დაწერა, სააკაშვილთან დაკავშირებული ინციდენტი პოლიტიკურ კომენტარს არ მოითხოვს, ეს საკითხი სამართლებრივ ჭრილში უნდა იყოს განხილული.

უკრაინის პრეზიდენტმა ასევე იმედი გამოთქვა, რომ სააკაშვილი ისევე მოისურვებს საქართველოს საზღვრის „გარღვევას“ და ქვეყანაში მოხვედრას, როგორც მან უკრაინის საზღვარი „გაარღვია“.

„სააკაშვილთან დაკავშირებული ინციდენტი პოლიტიკურ კომენტარს არ მოითხოვს. ეს საკითხი სამართლებრივ ჭრილში უნდა განვიხილოთ.

იმედი მაქვს, რომ ეს ბატონი საზღვრის „გარღვევით“ საქართველოშიც ეცდება მოხვედრას“,-დაწერა პოროშენკომ.

მონიკა დავლიანიძე