კომენტარი

იმედი გვაქვს, რომ პრეზიდენტი გამოავლენს კონსტრუქციულ პოზიციას და შეთავაზებას დათანხმდება - ირაკლი კობახიძე

საქართველოს პარლამენტის თავმჯდომარე ირაკლი კობახიძე იმედოვნებს, რომ პრეზიდენტი გამოავლენს კონსტრუქციულ პოზიციას და მის შეთავაზებას დათანხმდება.

პარლამენტის თავმჯდომარემ პრეზიდენტს შესთავაზა, რომ ვეტო იყოს გამოყენებული იმ ორი მნიშვნელოვანი ცვლილების შესატანად, რომელიც ეხება ბონუსის მექანიზმის გაუქმებას და ერთჯერადად ბლოკების შესაძლებლობის დატოვებას შემდეგი არჩევნებისთვის.

„ეს არის ჩვენი შეთავაზება,რომ ამ ორი ნაწილის მიმართ გამოიყენოს პრეზიდენტმა ვეტოს უფლება. იმედი გვაქვს, რომ პრეზიდენტი ამ შემთხვევაში გამოავლენს კონსტრუქციულ პოზიციას და სწორედ ასეთი ფორმით გამოიყენებს ვეტოს უფლებას. თუმცა, დაველოდოთ მოვლენების განვითარებას“,-აღნიშნა პარლამენტის თავმჯდომარემ.

რაც შეეხება , კობახიძის თქმით, დაადებს თუ არა პრეზიდენტი ვეტოს საკონსტიტუციო ცვლილებებს, ეს თავად პრეზიდენტის გადასაწყვეტია.

„ეს არის პრეზიდენტის უფლებამოსილება, მისი გადასაწყვეტია რა უფლებას გამოიყენებს, დაადებს თუ არა კანონპროექტს ვეტოს. ჩვენ კიდევ ერთხელ, ვიმოქმედებეთ ჩვენი უფლებამოსილების ფარგლებში, ყოველგვარი პოზიციის დაფიქსირების გარეშე“,-განაცხადა ირკალი კობახიძემ.

მონიკა დავლიანიძე