კომენტარი

„იმ უმძიმეს წლებში მისი საახალწლო განწყობა არაფერს დაუჩრდილავს“ - ნატო ჩხეიძე ლაშა ბუღაძეზე

დეპუტატი ნატო ჩხეიძე „რადიო თავისუფლების“ რუბრიკაში გამოქვეყნებულ ლაშა ბუღაძის ტექტს - „რატომ არ მიხარია ახალი წელი“ ეხმაურება და სოციალურ ქსელში წერს:

„სათაურის მაგიერ -

(რამ გამახსენა) – „როცა მოგვიხმობს პარტიაააა...“

მე ვერ დამაჯერა ამ წერილმა, ანუ ტექსტმა, როგორც ეს ავტორი უწოდებს ხოლმე ნაწერს;

ვერ დამაჯერა, რომ ისე სტკიოდა ბოლო თვეებში ჩვენს სამშობლოში დატრიალებული სამწუხარო ამბები, რომ სიხარულისთვის ადგილი აღარ დარჩა მის სულში;

ვერ დამაჯერა, რომ გულწრფელია, რომ არ თვალთმაქცობს;

და არა მხოლოდ იმიტომ, რომ ავტორის სხვა ტექსტებიც ვიცი... და მახსოვს, იმ უმძიმეს წლებში მისი საახალწლო-საზეიმო-სადღესასწაულო განწყობა რომ არაფერს დაუჩრდილავს.

ვერც მწერლურმა ოსტატობამ დამაჯერა, ზოგჯერ ზღაპარსაც რომ რეალობად მოგაჩვენებს...

მე თვით ტექსტის მდინარებამ ვერ დამაჯერა.

მე ვერა...“ - აღნიშნავს ნატო ჩხეიძე „ფეისბუკში“.