კომენტარი

იმ პარტიის წევრებისგან, რომლებიც ერთ დროს ორ გვამს ითხოვდნენ არგუმენტების მოყვანა ნაკლებად სარწმუნოა - დიმიტრი ხუნდაძე

გასაკვირი არ უნდა იყოს, თუკი ეს დადასტურდა, – განაცხადა პრესკონფერენციაზე საპარლამენტო უმრავლესობის წევრმა, დიმიტრი ხუნდაძემ ნიკა გვარამიასა და ზურაბ ადეიშვილის სავარაუდო სატელეფონო ჩანაწერის კომენტირებისას.

ხუნდაძე თვლის, რომ ძიება ბოლომდე უნდა მივიდეს და დაუდასტურებელ ფაქტებზე არ უნდა კეთდებოდეს განცხადებები.

“ჩემთვის, როგორც რიგითი მოქალაქისთვის, საჭიროა არგუმენტირებული პასუხები, ჩვენ თავი უნდა შევიკავოთ პოლიტიკური შეფასებებისგან და დაველოდოთ დასკვნებს. გასაკვირი არ უნდა იყოს, თუკი ეს დადასტურდა. იმ პარტიის წევრებისგან, რომლებიც ერთ დროს ორ გვამს ითხოვდნენ და ახლა მილიონებზე საუბრობდნენ, არგუმენტების მოყვანა ნაკლებად სარწმუნოა, თუმცა დაუდასტურებელ ფაქტებზე არ უნდა ვაკეთოთ ნაადრევი პოლიტიკური განცხადებები”, -განაცხადა დიმიტრი ხუნდაძემ.

ნინო ექვთიმიშვილი