მსოფლიო

ილჰამ ალიევმა აზერბაიჯანის მოსახლეობას მხარდაჭერისთვის მადლობას უხდის

ილჰამ ალიევი მოსახლობას მხარდაჭერისთვის მადლობას უხდის. წინასწარი ინფორმაციით, მან ამომრჩეველთა 86,09 %-ის მხარდაჭერა მოიპოვა.

ალიევი აზერბაიჯანის პრეზიდენტის პოსტს მეოთხე ვადით დაიკავებს

„თქვენი მხარდაჭერა არის იმ სამუშაოს შეფასება, რაც ჩვენ ბოლო 15 წლის მანძილზე გავწიეთ. 15 წლის მანძილზე აზერბაიჯანის ეკონომიკა 3,2-ჯერ გაიზარდა. თუმცა ჩვენ კიდევ უფრო ძლიერები უნდა ვიყოთ. წინ, ახალი გამარჯვებებისკენ!“ - განაცხადა ალიევმა.

შეგახსენებთ, რომ აზერბაიჯანში რიგგარეშე საპრეზიდენტო არჩევნებში მონაწილეობას სულ რვა კანდიდატი იღებდა. ოპოზიციამ არჩევნებს ბოიკოტი გამოუცხადა, რადგან, მათი თქმით, არჩევნების ადრე დანიშვნით ხელისუფლებამ სხვა კანდიდატებს სრულყოფილი საარჩევნო კამპანიის ჩატარებაში ხელი შეუშალა.
ილჰამ ალიევი ქვეყანას 2003 წლიდან მართავს. 2016 წელს აზერბაიჯანის კონსტიტუციაში ცვლილება შევიდა, რითაც პრეზიდენტის უფლებამოსილების ვადა 7 წლამდე გაიზარდა.

ცირა გურგენიძე