მსოფლიო

ილჰამ ალიევმა 634 მსჯავრდებული შეიწყალა, მათ შორის 12 ოპოზიციონერი და 11 საქართველოს მოქალაქე

აზერბაიჯანის პრეზიდენტმა ილჰამ ალიევმა აზერბაიჯანის დემოკრატიული რესპუბლიკის 100 წლისთავთან დაკავშირებით 634 მსჯავრდებული შეიწყალა, აქედან 607 დატოვებს საპატიმრო დაწესებულებებს.

შეწყალებულთა შორისაა 12 ოპოზიციონერი, მათ შორისაა პარტია ეროვნული ფრონტის აქტივისტი ელნურ ფარაჯევი, რომელის „ონკოლოგიური დაავადებით იტანჯება“.

შეწყალებულთა შორის მოხვდა საქართველოს 11 მოქალაქე. სულ ალიევმა უცხო ქვეყნის 39 მოქალაქე შეიწყალა, მათ შორისაა ჩინეთის 5 მოქალაქე, რუსეთისა და ირანის 4-4 მოქალაქე; თურქეთისა და ბანგლადეშის 3-3 მოქალაქე; თურქმენეთისა და ყაზახეთის 2-2 მოქალაქე; უზბეკეთის, კამერუნის, ინდოეთისა და უკრაინის თითო-თითო მოქალაქე; ასევე 3 პირი მოქალაქეობის გარეშე.

ქვეყანაში აზერბაიჯანის დემოკრატიული რესპუბლიკის 100 წლისთავს 28 მაისს აღნიშნავენ.