მსოფლიო

იგორ დოდონს კიშინიოვის აეროპორტში „მოღალატე“-ს წარწერებიანი პლაკატებით დახვდნენ

მოლდოვას პრეზიდენტს კიშინიოვის საერთაშორისო აეროპორტში, ლიბერალური პარტიის ახალგაზრდული ფრთის წარმომადგენლები საპროტესტო აქციით დახვდნენ.

NewsMaker-ს ინფორმაციით, ახალგაზრდებს ხელში ეჭირათ პლაკატები წარწერით: „ დოდონი-პუტინის მონა“, „დოდონი, შენი სახლი - მოსკოვია“, „დოდონი-მოღალატე“.

გარდა ამისა, აქციის მონაწილეებმა აეროპორტში ქვეყნის პრეზიდენტის მოსკოვში გადასახლებლად საჭირო ბარგი მიიტანეს.

შეგახსენებთ, რომ იგორ დოდონმა, მოსკოვში ნაციზმზე გამარჯვების 71 წლისთავი წითელ მოედანზე, ვლადიმირ პუტინის გვერდით აღნიშნა.

გარდა ამისა, დოდონმა, რუსეთის სათათბიროს თავმჯდომარე ვიაჩესლავ ვოლოდინთან შეხვედრაზე განაცხადა, რომ რესპუბლიკისთვის ნატოში შესვლა მიუღებელია; ასევე ის ფასეულობები, რომელსაც ევროპა „თავს ახვევს მოლდოვას“, რადგან მოლდოვა, დოდონის თქმით, მართლმადიდებლური ქვეყანაა.

დოდონმა ასევე აღნიშნა, რომ რესპუბლიკისთვის მნიშვნელოვანია რუს მეგობრებთან პარტნიორობა.

მონიკა დავლიანიძე