მსოფლიო

იძულების წესით დეპორტაციის გარდა ყველა შესაძლებლობა გამოირიცხა - ლუქსემბურგი 12 წლის ქართველი ბიჭის დეპორტაციის მიზეზს განმარტავს

ლუქსემბურგის მთავრობის მიერ 12 წლის ქართველი მოზარდის იძულების წესით დეპორტაციის გამო, რასაც საზოგადოების მწავე კრიტიკა მოჰყვა, ქვეყნის იმიგრაციის მინისტრმა ჟან ასელბორნმა განმარტება გააკეთა.

მან დაადასტურა, რომ 12 წლის ბიჭისა და დედამისის რეპატრიაცია საქართველოში მოხდა ამა წლის 12 ოქტომბერს.

ასელბორნის თქმით, დეპორტაცია უკიდურეს ზომას წარმოადგენს და მოსდევს მასალის დეტალურ შესწავლას, განსაკუთრებით, თუ საქმე ეხება სასკოლო ასაკის ბავშვებს.

„ასე მოხდა ამ კონკრეტულ შემთხვევაშიც, იყო განხილული ყველა შესაძლო ალტერნატიული გზა, თუმცა იმის გამო, რომ აღნიშნულ პირებს დოკუმენტებში მათი ვინაობისა და ოჯახში არსებული სიტუაციის შესახებ ყალბი ინფორმაცია ჰქონდათ მითითებული, იძულების წესით დეპორტაციის გარდა, სხვა შესაძლებლობა გამოირიცხა“, - წერია ლუქსემბურგის იმიგრაციის მინისტრის წერილში.

12 წლის ბიჭისა და დედამისის ვინაობა წერილში არ იყო მითითებული.

ანა მებურიშვილი