კომენტარი

„იბერიას“ ახალი ამბების გაფიცვა იყო სუს-ის ჩარევით, ისინი გაიფიცნენ დაახლოებით ორი დღის ხელფასის არმიცემის გამო - ზაზა ოქუაშვილი

ტელეკომპანია „იბერიას“ დამფუძნებლის, ზაზა ოქუაშვილის მტკიცებით, ტელეკომპანიის საინფორმაციო სამსახურის გუნდის გაფიცვა სუს-ის ჩარევით მოხდა. ამის შესახებ ბიზნესმენმა გადაცემაში „360 გრადუსი“ განაცხადა.

მისივე თქმით, ფინანსური დავალიანება, რომელიც მას ტელევიზიის თანამშრომლების მიმართ ჰქონდა, საწარმოს დახურვამ გამოიწვია, რომლის მუშაობის აღდგენის შემდეგ აღნიშნული თანხის ნაწილის გასტუმრება მოხდა.

„დამფუძნებელმა 50 მილიონი ჩადო ტელევიზიის აღდგენაში და მისცა წყარო, საიდანაც ტელევიზია ისაზრდოებდა. „იბერიას“ ახალი ამბების გაფიცვა იყო სუს-ის ჩარევით, ისინი გაიფიცნენ დაახლოებით ორი დღის ხელფასის არმიცემის გამო. ასეთი არ უნდა ხდებოდეს. ასეთი ხალხი ითხოვს კომპენსაციას. მე ყველაფერს გავაკეთებ, რომ მივაღწიო არა მხოლოდ საინფორმაციო სამსახურის 200 კაცის ხელფასს, არამედ 1500 კაცის ხელფასისთვის მოვიპოვო სამუშაო ადგილი და ამას მივაღწევ!“, - აღნიშნა ოქუაშვილმა.