მსოფლიო

ჰოლანდიის ვიზა არ მჭირდება -მიხეილ სააკაშვილი

საქართველოს ექს-პრეზიდენტის, ოდესის ოლქის ყოფილი გუბერნატორის მიხეილ სააკაშვილის თქმით, მას რამდენიმე ევროპული ქვეყნიდან აქვს მოქალაქეობის მინიჭების შეთავაზება, თუმცა, პოლიტიკოსის თქმით, მას სურს უკრაინაში დაიცვას საკუთარი უფლებები.

ამის შესახებ სააკაშვილმა უკრაინული ტელეარხის NewsOne-ის ეთერში განაცხადა.

ამასთან, სააკაშვილი გავრცელებულ ინფორმაციას გამოეხმაურა იმის შესახებ, რომ მან ჰოლანდიის ვიზა მიიღო.

სააკაშვილის თქმით,მას ამგვარი ვიზა არ ჭირდება, რადგან ჰოლანდიის მოქალაქეობის მიღების ავტომატური უფლება აქვს.

„მაქვს წინადადება მოქალაქეობის მინიჭებაზე - არა ვიზის გაცემაზე, არამედ მოქალაქეობაზე - რამდენიმე ევროპული ქვეყნისგან, ყოველ შემთხვევაში, ამ ქვეყნების წამყვანი პოლიტიკოსებისგან მაქვს მიღებული წინადადება. არ მჭირდება ჰოლანდიის ვიზა, მე მაქვს ავტომატური უფლება ჰოლანდიის მოქალაქობის მინიჭებაზე, იმიტომ რომ ჩემი ოჯახი ჰოლანდიიდან არის. მე უკვე ვიყავი დასავლეთში, და შემიძლია ნებიმისერ ევროპულ ქვეყანაში ნებისმიერ დროს წავიდე. ასევე მაქვს სამსახურებრივი წინადადება ამერიკიდან. ამიტომ, ასეთი პრობლემა მე არ მიდგას - ნებისმიერ დროს შემიძლია დავტოვო ქვეყანა“,-აღნიშნა სააკაშვილმა.

მისივე განმარტებით, მას არც უცხოური და არც სხვა პასპორტი არ გააჩნია.

„თუმცა კიდევ გავიმეორებ: ნებისმიერი ევროპული ქვეყანა მიმიღებს, და ეს ყველასთვის ცნობილია. ამიტომ, კითხვა - შემიშვებენ სადმე თუ არა - მოხსნილია. მაგრამ, მე უკრაინაში საკუთარი უფლებებისთვის ვიბრძოლებ. არავითარი პროვოკაციები არ იქნება, მშვიდად ვიმოქმედებეთ“,-განმარტა მიხეილ სააკაშვილმა.

გაზეთ Telegraaf-ის ინფორმაციით, მიხეილ სააკაშვილმა ნიდერლანდების ვიზა მიიღო.

გამოცემის ინფორმაციით, ნიდერლანდების უსაფრთოხებისა და მართლმსაჯულების სამინისტრომ განმარტა, რომ ვიზა ოჯახების გაერთიანების საფუძველზე მიიღო.

„ტელეგრაფი“ ასევე აღნიშნავს, რომ სააკაშვილმა ნიდერლანდების ვიზა კიევში მიიღო.

მონიკა დავლიანიძე