მსოფლიო

ჰოლანდიაში პირველი გენდერულად ნეიტრალური პასპორტი გაიცა

57 წლის ლეონ ზეეჰესი ბიოლოგიურად მამაკაცად დაიბადა, თუმცა 2001 წელს გადაწყვიტა სქესის შეცვლის ოპერაცია ჩაეტარებინა. ის ახლა თავს ინტერსექსუალად მიიჩნევს.

ზეეჰესმა სასამართლოს გზით მიაღწია იმას, რომ მასზე გაიცა პასპორტი, სადაც მდედრობითი და მამრობითი სქესის აღმნიშვნელი შესაბამისი სიმბოლოების ნაცვლად, წერია სიმბოლო - ,,X.”

BBC-ის ინფორმაციით, სასამართლომ დაადგინა, რომ მოქალაქისთვის გენდერულად ნეიტრალური კუთვნილების რეგისტრაციაზე უარის თქმა ,,არღვევს ადამიანის პირადი ცხოვრების, თვითგამორკვევის და პიროვნული ავტონომიის უფლებას.“

უნდა აღინიშნოს, რომ ამ ფაქტით ნიდერლადების კანონმდებლობა არ შეცვლილა და მსგავსი პასპორტის მიღება ქვეყანაში მხოლოდ და მხოლოდ სასამართლოს გზით არის შესაძლებელი.