კომენტარი

გვაქვს განცდა, რომ კონკრეტულ კომპანიას აქვს სურვილი, თავის მოვალეობებს თავი აარიდოს და ამისთვის, გარკევული მანიპულაციებით არის დაკავებული - თამარ ჩუგოშვილი

საპარლამენტო უმრავლესობის წევრი, ვიცე-სპიკერი თამარ ჩუგოშვილი ,,ომეგა ჯგუფის" საქმესთან დაკავშირებით გამოქვეყნებულ აიუდიოჩანაწერებზე საუბრისას აპელირებს არამხოლოდ ლევან სამხარაულის ექსპერტიზის ეროვნული ბიუროს დასკვნაზე, არამედ იშველიებს ადვოკატ ზაზა ხატიაშვილის მიერ რამდენიმე დღის წინ გამოქვეყნებულ დასკვნასაც.

,,ორივე ექსპერტიზის ერთმანეთზე დამთხვევა არის დადასტურება კიდევ ერთხელ იმის, რომ ჩანაწერებში არის მონტაჟი და შესაბამისად, ჩატარებული არის გარკვეული მანიპულაციები. პლუს ამაზე დამატებულია ის, რომ ბატონო ოქუაშვილი უარს ამბობს გამოძიებასთან თანამშრომლობაზე. თუ მას აქვს გარკევული მტკიცებულებები, ის უნდა აწვდიდეს გამოძიებას და ასევე აძლევდეს ჩვენებას, მაგრამ ჩვენ ვიცით, რომ ამ ყველაფერზე ის ამბობს უარს. ეს შედეგი კიდევ უფრო ადასტურებს იმ ეჭვებს, რა ეჭვებიც ჩვენ გქვონდა ამ საქმესთან დაკავშირებით.

მე არ ვიცი, რა ჩანაწერი იყო. მე არც ყიფიანის მიმართ მაქვს ავტომატური ნდობა და არც ოქუაშვილის მიმართ არ მაქვს ავტომატური ნდობა.

გვაქვს განცდა, რომ კონკრეტულ ბიზნეს კომპანიას აქვს სურვილი, თავის მოვალეობებს, ვალდებულებებს თავი აარიდოს და ამისთვის, გარკევული მანიპულაციებით არის დაკავებული", - განუცხადა ჟურნალისტებს თამარ ჩუგოშვილი.