კომენტარი

გუნდში ჩანერგილების და პორტირებულებისგანაც უნდა გავთავისუფლდეთ მაქსიმალურად - დავით ჭიჭინაძე

ვფიქრობ, გუნდში ჩანერგილების და პორტირებულებისგანაც უნდა გავთავისუფლდეთ მაქსიმალურად, - განაცხადა საქართველოს პარლამენტის უმრავლესობის წევრმა დავით ჭიჭინაძემ ტელეკომპანია „პირველის“ ეთერში.

მისი თქმით, სამინისტროების საქმიანობაში ივანიშვილი არასდროს ჩარეულა და პორტირებულებს და ჩანერგილებს მინისტრები ინახავენ.

„მე ჩემი დაპირებები და შეხედულებები გამაჩნია; თუ არ ჩამაყენებენ საქმის კურსში, თუ არ იქნება ის პროგრამა, რომელსაც ამომრჩეველს დავპირდით, ჩემი მხარდაჭერაც არ იქნება. ზოგადად, ვფიქრობ, რომ გუნდში ჩანერგილების და პორტირებულებისგანაც უნდა გავთავისუფლდეთ მაქსიმალურად; ვინც ამას შესთავაზებს მოიგებს. თუ იქნება ჩანერგილი ადამიანები და მათი შეუცვლელობის პრინციპი, რომელიც ძალიან აღიზიანებს ჩვენს ამომრჩეველს და ჩვენი პარტიის წევრებს, მე ვიქნები წინააღმდეგი“, - განაცხადა ჭიჭინაძემ.

მისივე თქმით, მინისტრები ინახავენ პორტირებულებს და საკუთარი პარტიის წევრებს არ ასაქმებდნენ.

„ვალდებულებები, რომლებიც გვქონდა, ამის სულ ძველ კადრებზე ხდებოდა დაყრდნობები. ადამიანებს, რომლებმაც იბრძოლეს რეჟიმის გასაშვებად, უნდა დაუბრუნდეთ სამართლიანობის გრძნობა“, - განაცხადა ჭიჭინაძემ.

ნინო ექვთიმიშვილი