კომენტარი

„გირჩი“ ე.წ. ბიოს შეძენასთან დაკავშირებით საზოგადოებას არასწორ ინფორმაციას აწვდის - გია ვოლსკი

საპარლამენტო უმრავლესობის წევრი გია ვოლსკი მიიჩნევს, რომ „გირჩი“ ე.წ. ბიოს შეძენასთან დაკავშირებით საზოგადოებას არასწორ ინფორმაციას აწვდის.

როგორც ვოლსკიმ საკითხის შეფასებისას ჟურნალისტებს განუცხადა, ნარკოტიკების გავრცელების წინააღმდეგ ძალიან აქტიური ბრძოლა მიმდინარეობს.

„არასწორ ინფორმაციას აწვდიან საზოგადოებას. სტატისტიკა არ ვიცი, თუმცა ვიცი, რომ საკმაოდ აქტიური ბრძოლა მიმდინარეობს ნარკოტიკების გავრცელების წინააღმდეგ და რას ემსახურება „გირჩის“ აქტიურობები ძნელი გამოსაცნობი არ არის. ისინი ამით გარკვეული მხარდამჭერების მოპოვებას ცდილობენ მომავალი არჩევნებისთვის. მე არ ვიზიარებ მათ შეხედულებებს ამასთან დაკავშირებით და ვფიქრობ, ეს ყველაფერი დამაზიანებელია ჩვენი მომავალი თაობისა და ქვეყნისთვის“, - განაცხადა ვოლსკიმ.

ცნობისათვის: გუშინ „გირჩმა“ ე.წ. ბიო შეიძინა და სამართალდამცველებს გადასცა იმის დასადასტურებლად, რომ ქვეყანაში აღნიშნული ნარკოტიკის შეძენა არც ისე რთულია.

ნინო ექვთიმიშვილი