კომენტარი

გიორგი უძილაური ელისო კილაძეს პასუხობს: რა საცოდაობაა რეაქტიულ ფსიქოზში მყოფი ადამიანის ყურება

,,ქართუ ჯგუფის” საზოგადოებასთან ურთიერთობის სამსახურის უფროსი, გიორგი უძილაური სოციალური ქსელით გამოეხმაურა ,,ქრონიკა პლუსის’’ რედაქტორის, ელისო კილაძის მიერ გავრცელებულ ინფორმაციას იმის შესახებ, რომ ყოფილი პრემიერი ბიძინა ივანიშვილი გერმანიის კლინიკაში იშემიურ ინსულტს მკურნალობს.

,,რა საცოდაობაა რეაქტიულ ფსიქოზში მყოფი ადამიანის ყურება რევანშის, ნგრევის წყურვილსა და აგრესიაში გარეული ილუზიები კი ასეთი ფსიქოზს უკვე კომიკურადაც აქცევს. მხოლოდ სიბრალული გაქვს ასეთი ადამიანების მიმართ’’, - წერს გიორგი უძილაური ფეისბუქის პირად გვერდზე.

ელისო კილაძემ ექსპრემიერის ჯანმრთელობის მდგომარეობისა და ადგილსამყოფელის შესახებ სტატუსი ფეისბუქის პირად გვერდზე დღეს დაწერა.

,,ბიძინა ივანიშვილი იმყოფება გერმანიაში.მიუნხენის გარეუბანში,კლინიკაში.

დიაგნოზი არის იშემიური ინსულტი (შოკური) ნებისმიერ ემოციას-დადებითს და უარყოფითს შეუძლია გამოიწვიოს ფართო ინსულტი.

უახლოესი თვეები ის იქნება იზოლირებული.

პოლიტიკას ჩამოშორებულია !!!’’ - წერს ელისო კილაძე.