კომენტარი

გიორგი მარგველაშვილს თეა წულუკიანის თანამდებობიდან გადადგომის მოთხოვნა ლოგიკურად მიაჩნია

საქართველოს პრეზიდენტი გიორგი მარგველაშვილი იუსტიციის მინისტრ თეა წულუკიანის თანამდებობიდან გადადგომის მოთხოვნას ლოგიკურად მიიჩნევს.

შესაბამისი განცხადება პრეზიდენტმა ტელეკომპანია ,,პირველის“ ეთერში გაააკეთა, როდესაც უპასუხა კითხვას - მიაჩნია, თუ არა, რომ ეს არის ლოგიკური მოთხოვნა.

„ჩემი პასუხი არის თანხმობა იმ საზოგადოებაში არსებულ პათოსთან, რომელსაც გააჩნია თავისი აბსოლუტურად ლოგიკური არგუმენტაცია“, - განაცხადა მარგველაშვილმა.

„იუსტიციის მინისტრთან დაკავშირებით ძალიან ნათლად დააფიქსირეს პოზიცია არასამთავრობო ორგანიზაციებმა, რომ თუ ახალი პროკურორის შერჩევას სჭირდება საზოგადოების ლეგიტიმაცია, ისინი წარმოადგენენ ამ მიმართულებით კომპეტენციიდან გამომდინარე ლეგიტიმაციის რაღაც ნაწილს. ჯერ ეს ერთი, ძალიან გამიხარდა, რომ რაღაც პირობა დააყენეს, რადგან აქამდე ვუყურებდი არსამთავრობო ორგანიზაციებს, სადაც დაუძახებდნენ - მაგალითისთვს არაერთხელ მითქვამს, საკონსტიტუციო კომისიაში ყოველგვარი პირობის გარეშე შევიდნენ. ძალიან კარგია, რომ ეს მორალური თამასა ასწიეს. თქვეს, რომ ჩვენ იმ ადამიანთან, რომელსაც ამდენი შეცდომა აქვს დაშვებული, არ დავსხდებით. ხელისუფლებასთან მორალური კრიტერიუმით, მორალური თამასით საუბარი არის სწორი“, - განაცხადა გიორგი მარგველაშვილმა.