კომენტარი

გიორგი მარგველაშვილი მიწის უცხოელებზე გაყიდვაზე: ამ ეტაპზე ამ აკრძალვაში შინაარსს ვერ ვხედავ

პრეზიდენტი გიორგი მარგველაშვილი ამ ეტაპზე მიწის უცხოელზე მიყიდვის აკრძალვაში შინაარსს ვერ ხედავს.

როგორც მარგველაშვილმა ტელეკომპანია ,,პირველის’’ გადაცემაში ,,რეაქცია’’ განაცხადა, სოფლად არ არის შექმნილი არანაირი პირობა იმისთვის, რომ ბიზნესი წარმოიქმნას.

,,მე მაინტერესებს ჯერ ხედვა, რანაირად გახდეს ეს მიწა ჩვენი ეკონომიკისთვის და ჩვენი მოსახლეობისთვის მნიშვნელოვანი და მერე უკვე, ეს განცხადებები, რომ ,,მიწა არ გაიყიდება. ’’

,,მიწა არ გაიყიდება’’ დაახლოებით ისე ჟღერს, როგორც ,,იყიდება საქართველო’’. რა თქმა უნდა, თუ ,,იყიდება საქართველო,’’ ბუნებრივია, მეც არ მოვაწერ ხელს საქართველოს გაყიდვაზე, მაგრამ მიწის არგაყიდვა კი არ არის მნიშავნელოვანი, არამედ ის, რა შესაძლებლობას მომცემ, რომ მიწა ავითვისო. ჯერ მაჩვენე სქემა, რომლითაც უცხოელსაც დააინტერესებ, ქართველსაც დააინტერესებ, ბანკსაც დააინტერესებ, რომ რეგიონში ფული წაიღოს და მიწის ნაგლეჯებისგან რაღაც გააკეთოს.

ამ ეტაპზე ამ აკრძალვაში შინაარსს ვერ ვხედავ. ჩამოდი და ნახე, როგორი რთულია მიწის მოვლა. ჩამოდი და ნახე, როგორ ვცხოვრობ, როგორი რთულია. მე კიტრი და პომიდორი მომყავს. მე და ლუკაშენკომ ერთად დავრგეთ, გაჭირვების გამო არა, მაგრამ ხალხს უჭირს. მაჩვენე, ხალხს რანაირად შველი და მერე დალიე საქართველოს სადღეგრძელო’’, - განაცხადა გიორგი მარგველაშვილმა.

ცნობისათვის, მმართველი გუნდი კონსტიტუციით სასოფლო-სამეურნეო მიწის უცხო ქვეყნის მოქალაქეზე მიყიდვის აკრძალვას აპირებს.

ნინო ექვთიმიშვილი