კომენტარი

გიორგი კვირიკაშვილისა და ბინალი ილდირიმის შეხვედრაზე არავითარი დღის წესრიგი არ არსებობს - დავთ დონდუა

საქართველოს საგარეო საქმეთა მინისტრის მოადგილის დავით დონდუას განცხადებით, თურქეთისა და საქართველოს პრემიერ-მინისტრების შეხვედრაზე არავითარი დღის წესრიგი არ არსებობს.

როგორც დონდუამ აღნიშნა, თურქეთის პრემიერ-მინისტრს საქართველოში სატრანზიტო გავლა აქვს.

„ეს არის სატნრანზიტო გავლა, ასევ ვთქვათ, ოფიციალური ვიზიტი არ არის. თურქეთის პრემიერი, უბრალოდ ბათუმის გავლით მიემგზავრება სამშობლოში და ჩვენი პრემიერი შეხვდება მას საზღვარზე. არავითარი დღის წესრიგი არ არსებობს, ეს არის უბრალოდ საქართველოში სატრანზიტო შემოსვლა“,-აღნიშნა მინისტრის მოადგილემ.

ანალოგიური შინაარსის განცხადება საქართველოში თურქეთის რესპუბლიკის სრუფლებიანმა ელჩნა ზექი ლევენთ გუმრუქჩუმა გააკეთა.

მისი თქმით, ილდირიმს თავისი პროგრამა აქვს ქალაქ ართვინში, რომელიც საქართველო-თურქეთის საზღვართან ახლოს მდებარეობს. ამ პროგრამის დასრულების შემდეგ, იგი სტამბოლში უნდა გაფრინდეს ბათუმიდან. იქამდე კი პრემიერი, გიორგი კვირიკაშვილის სურვილით მასთნ ისადილებს.

მონიკა დავლიანიძე