კომენტარი

გიგა ნიკოლეიშვილთან ყოველგვარ დაპირისპირებას კატეგორიულად ვუარყოფ - ირაკლი ხმალაძე

თბილისის ვიცე-მერი ირაკლი ხმალაძე, მერის ყოფილ მოადგილე გიგა ნიკოლეიშვილსა და მერს კახა კალაძეს შორის რაიმე სახის დაპირისპირებას კატეგორიულად უარყოფს.

მისი თქმით, ნიკოლეიშვილთან თანამშრომლობის ძალიან დიდი სურვილი არსებობდა, თუმცა მან გაცილებით საპასუხისმგებლო პოზიცია დაიკავა.

„მე მინდა კატეგორიულად ვუარყო ყოველგვარი დაპირისპირება. ეს არის აბსურდი. ერთადერთი მიზეზი რის გამოც ბატონმა გიგამ თანამდებობა დატოვა არის ის, რომ ის დაინიშნა დაცვის პოლიციის დეპარტამენტის ხელმძღვანელად და მხოლოდ და მხოლოდ ამ მიზეზით დატოვა. ძალიან დიდი სურვილი გვქონდა, რომ ერთად გვემუშავა, თუმცა მან უფრო საპასუხისმგებლო პოზიცია ჩაიბარა და მე მინდა მას წარმატებებიც ვუსურვო“,-აღნიშნა ხმალაძემ.

გიგა ნიკოლეიშვილის მიერ თანამდებობის დატოვების შესახებ ინფორმაცია გუშინ გავრცელდა.

ნიკოლეიშვილი გახლდათ ერთადერთი მოადგილე, რომელიც ახლადარჩეულმა მერმა, წინამორბედის გუნდიდან დატოვა.

გიგა ნიკოლეიშვილი შინაგან საქმეთა სამინისტროს დაცვის პოლიციის უფროსად დაინიშნა.

მონიკა დავლაინიძე