კომენტარი

გიგა ბოკერიას არ წარმოვადგენ, ნიკა მელია კი, ოდესღაც მე წარმომადგენდა, მე გავუხსენი მას გზა ამ პარტიაში- გიგი უგულავა

ნაციონალური მოძრაობის წევრი გიგი უგულავა, პარტიის ცენტრალურ ოფისში მივიდა, სადაც პარტიის ე.წ ბოკერია-ბაქრაძის ფრთის წარმომადგენლები იკრიბებიან.

მედიასთან საუბარში გიგი უგულავა, ნიკა მელიას მიერ დღეს გაკეთებულ განცხადებას გამოეხმაურა, რომლის მიხედვით, გიგი უგულავა პარტიის გახლეჩილ მხარეებს შორის შემრიგებლის როლში ვერ გამოდგება, რადგან ის გიგა ბოკერიას მხარეა.

უგულავას თქმით, კი იგი გიგა ბოკერიას არ წარმოადგენს.

„მე გიგა ბოკერიას არ წარმოვადგენ. მე წარმოვადგენ ერთიან ნაციონალურ მოძრაობას. ნიკა მელია წარმომადგენდა ოდესღაც მე, და მე გავუხსენი ამ პარტიაში გზა.

„პარტია არის კრიზისში. თუ გვეყოფა პასუხისმგებლობა, რომ პარტიამ ეს კრიზისი გაიაროს, გაივლის, თუ ვერა და დარჩენილია ძალიან ცოტა რესურსი, შეიძლება ვთქვათ 2-5% და შესაძლოა, ეს ყოველდღიურად მცირდებოდეს. მიმდინარე მოვლენები უნდა განვითარდეს ცივილურ ფორმებში, რადგან ამ ქვეყანას იმაზე დიდი პრობლემები აქვს, ვიდრე დაპირისპირებაა ნაციონალურ მოძრაობაში, - განაცხადა გიგი უგულავამ.

პარტიის მეორე ჯგუფი,კი ე.წ მიხეილ სააკაშვილის ფრთის წარმომადგენლები, მისივე სახელობის ბიბლიოთეკაში იკრიბებიან.

მონიკა დავლიანიძე