მსოფლიო

გერმანია ტერორიზმს ხელს უწყობს - რეჯეპ ტაიპ ერდოღანი

გერმანია ტერორიზმს უწყობს ხელს , რადგან იფარებს იმ დამნაშავეებს, რომლებსაც თურქეთი ეძებს.

ამის შესახებ თურქეთის პრეზიდენტმა რეჯეპ ტაიპ ერდოღანმა განაცხადა, - წერს თურქული გაზეთი Daily Sabah.

აღნიშნული განცხადება ერდოღანმა მას შემდეგ გააკეთა, რაც სტამბოლში გერმანული გამოცემა Die Welt-ის კორესპოდენტი იქნა დაკავებული.

„გერმანია პასუხისგებაში უნდა მიეცეს ტერორისტის შეფარებისა და ხელის შეწყობისთვის“,-განაცხადა ერდოღანმა და გერმანელი ჟურნალისტს „ჯაშუში“ უწოდა.

მისი თქმით, რეპორტიორი ასევე ქურთთა მუშათა პარტიის წარმომადგენელიც არის, და მას ერთი თვის განმავლობაში „გერმანიის საელჩო იფარებდა“.

გერმანელი კორესპოდენტი 18 თებერვლს იქნა დაკავებული. თუქრეთის ხელისუფლება მას „ტერორისტულ ორგანიზაციაში მონაწილეობას და ტერორიზმის პროპაგანდაში“ ადანაშაულებს.

გერმანიის კანცლერმა კი, ანკარას დენიზ იუსელის გათავისუფლება და მედიის თავისუფლების დაცვისკენ მოუწოდა.

მონიკა დავლიანიძე