მსოფლიო

„გაზპრომმა“ შესაძლოა თურქეთის ბაზარი დატოვოს

რუსულმა „გაზპრომმა“ შესაძლოა თურქეთში, Bosphorus gas-სა და Akfel Holding-ში საკუთარი წილები გაყიდოს. ასეთ შემთხვევაში რუსული კომპანია თურქეთის შიდა ბაზრიდან გავა და მხოლოდ გაზის იმპორტიორი იქნება.

ამის შესახებ Коммерсант საკუთარ წყაროზე დაყრდნობით წერს. გამოცემის ცნობით, გაზპრომბანკი უკვე ატარებს თურქული კომპანიებიდან გამოსვლისთვის შესაბამის პროცედურებს.

გამოცემის ცნობით, თურქეთის შიდა ბაზრიდან გასვლის შემდეგ სავარაუდოდ „გაზპრომი“ იმპორტირებული გაზის ფასთან დაკავშირებით საკუთარ პოზიციებს შეცვლის.

2017 წლის მაისში რუსულმა კომპანიამ „თურქეთის ნაკადის“ საზღვაო ნაწილის მშენებლობის დაწყებაზე გააკეთა განცხადება.

მილსადენის სიმძლავრე 15,75 მილიარდი კუბური მეტრია და მისი მშენებლობა 2019 წლის ბოლოს დასრულდება.

მონიკა დავლიანიძე