კომენტარი

გავრცელებულ ჩანაწერებში ძალიან საგანგაშო სიგნალები იკვეთება შესაძლო კორუფციის შემთხვევებთან დაკავშირებით - ომბუდსმენი ტელეკომპანია „იბერიასა` და „ომეგა ჯგუფის` საქმეზე

ჩანაწერები რაც ვრცელდებოდა საგანგაშო სიგნალს იძლევა და გვაფიქრებინებს, რომ შესაძლოა, არსებობს ელიტური კორუფციის ნიშნები, ამიტომ ამ კითხვებს პასუხები სჭირდება, რაც გამოძიებამ უნდა გასცეს, - ასე ეხმაურება სახალხო დამცველი ნინო ლომჯარია

ტელეკომპანია „იბერიასა" და „ომეგა ჯგუფის" გარშემო განვითარებულ მოვლენებს, რაზეც არაერთი აუდიო-ჩანაწერი გავრცელდა.

მისი თქმით, ჩანაწერები საგანგაშო სიგნალებს იძლევა და კითხვებს გამოძიებამ უნდა უპასუხოს.

„იმ გავრცელებულ ჩანაწერებში რაც ჩვენ ვნახეთ, რა თქმა უნდა, ძალიან საგანგაშო სიგნალები იკვეთება შესაძლო კორუფციის შემთხვევებთან დაკავშირებით, რასაც გამოძიება სჭირდება.

სამწუხაროდ, ჩვენ არ გვყავს ქვეყანაში დამოუკიდებელი ანტიკორუფციული უწყება, რომელიც უფრო ეფექტურად, დროულად და დამოუკიდებლად გამოიძიებდა ამ შემთხვევებს, ამიტომ გვიწევს, რომ დაველოდოთ ისევ და ისევ იმ საგამოძიებო უწყებებს, რომელებიც ამ საკითხზე მუშაობენ.

თუმცა მიმაჩნია, რომ გავრცელებული ინფორმაცია იძლევა ძალიან საგანგაში სიგნალებს, რასაც გამოძიების მხრიდან სჭირდება დროული შესწავლა, რა ხდებოდა და იყო თუ არა ეს, სინამდვილეში რასაც ჩვენ ვხედავთ", - განაცხადა ლომჯარიამ.