კომენტარი

გარკვეული მოლაპარაკებები ფრაქციის შექმნასთან დაკავშირებით მიმდინარეობს - გიორგი გაჩეჩილაძე

საპარლამენტო უმრავლესობის წევრის, „მწვანეთა პარტიის“ ლიდერის გიორგი გაჩეჩილაძის განცხადებით, ცალკე ფრაქციის შექმნა უმრავლესობაში საკმაოდ დადებითი ფაქტორია პარტიისთვის.

როგორც გაჩეჩილაძემ პრესკონფერენციაზე აღნიშნა, იგი ფრაქციაში გაწევრიანებას გეგმავს.

„ფრაქცია ყოველთვის საჭიროა პარტიისთვის, დიდ ფრაქციაში ყოფნა თავისთავად, დადებითია, თუმცა მცირე ფრაქცია მეტ საშუალებას იძლევა, რომ პრიორიტეტულ თემებს მიეხედოს. ამ ეტაპზე მიმდინარეობს მოლაპარაკებები ფრაქციის შექმნაზე, თუმცა საჭიროა ფრაქციაში თანამოაზრე პოლიტიკოსების გაერთიანება“, – განაცხადა დეპუტატმა.

მონიკა დავლიანიძე